ازاي تذاكر صح في الثانويه النظام الجديد  I تسع خطوات لو طبقتهم وانت بتذاكر في النظام الجديد هاتقفل جميع المواد 

اول حجاجه كده حابب اعرفك ان النظام الثانويه اتغير نهائي، وفكرة الأسئلة الي كانت بتيجي زي الموجوده في الكتاب في الثانويه عامه دي خلاص مبقتش موجودة نهائي. فعشان كده لازم تركز على انك تفهم الدرس فهم عالي وكويس، وانك تتابع فيديوهات على اليوتيوب وتسمع الشرح اكتر من مره. لأن في الاغلب مش هاتفهم فهم عالي من اول مره فخيلك ماشي بمقولة التكرار بيعلم الشطار .يعني لازم تخلى جزء من يومك ثانويه اونلاين وتتابع فيه دروس ثانويه عامه

ثانيًا: لازم اول مره تذاكر فيها الدرس تذاكره بالورقة والقلم عشان المعلومة تثبت وهاتثبت عن طريق  انك كتبت وشوفت وفهمت وحفظت فبعدها مستوى استيعابك هيكون كويس جدا وفكره انك تنسى المعلومه هاتكون صعبة.

ثالثًا:الحل الكتيييير   فكرة انك تحل كتير دي حاجه كده في قمة الروقان، لانك لما تحل كتير ومن اكثر من كتاب فكل مره هاتشوف اسئلة بشكل جديد وفكرة جديده يعني بدماغ مدرس او مستشار ماده مختلفه كل مره وطبيعي ان الدرس او المسأله ممكن يطلع فيهم فكره او اتنين اوثلاث افكار مش اكتر من كده مش هايخترعو يعني فطبيعي تطلع فكره منهم في دماغ المستشار الي هايحط الامتحان فهتشوف السؤال وقتها عادي من اكنة جاي من المريخ او اي حاجه الفكرة انك تحل اسئله ثانويه عامه كتيير وتتابع موقع ثانويه عامه

رابعًا : لازم تشتغل مع مدرس بيعمل امتحانات على الأقل كل اسبوع عشان تتعود وميكونش عندك رهبة من الامتحان وكمان عشان تعرف تقيم نفسك أول بأول وتشوف هل المستوى الي انت ماشي علية ده صح ولا المفروض تشتغل على نفسك اكتر 

خامسًا: لازم تراجع كل شويه ميعديش اسبوع على الدروس القديمة إلا لما تكون مراجعه مره لان طبعا كلنا عارفين اننا عندنا ذاكرة طويلة المدى وذاكرة قصيرة لمدى فالمذاكره لأول مره هاتخلي المعلومات في الذاكره قصيره المدى لكن مع مراجعتها هاتنتقل للذاكره بعيدة المدى وبكده هايكون صعب تتنساها وهاتفضل ديما فاكرها.

سادسًا:لازم تعرف تذاكر صح ومتقولش على اي حاجه دي مثلا حفظ وتروح حافظها وخلاص ، لا لازم كل سطر او تعريف او معلومه قدامك تكون فاهمها كويس وفاهم المطلوب فيها وتتخيل لو انت الي بتحط امتحان في الجزئية دي ممكن تحطة ازاي وخليك ديما مقتنع ان الي بيحط الامتحان ده انسان زيك مش حد جاي من المريخ مثلا ففوكك من البوستات الكتير الي العيال بتصيح فيها ان الامتحانات صعبة جدا ومش عارف ايه اهم حاجه انك تكون واثق من نفسك ومن مذاكرتك وعلى قد تعبك هاتحقق حلمك وتوصل 

سابعًا: لما تلاقي سؤال مش فاهمه قسمة ل أجزاء وحاول تفهمه وتستوعبة كويس وبعدها كمل الجزء الباقي واربطهم ببعض ده هايسهل عليك الدنيا 

ثامنًا: خليك ديما في نقاش مع المدرسين بتوعك وأي سؤال يجي على بالك حتى لو انت شايفة مش موضع امتحان أسأله هتستفاد وممكن وقتها تكتشف انه موضع امتحان مهم جدا 

تاسعًا: حاول ديما تربط بين كل الدروس وبعضها لان ممكن الي بيحط الامتحان يقول سؤال مترتب عليها فهمك للغصل او الوحده كلها فعشان دماغك متقفش في الوقت ده خليك ديما رابط بين كل الدروس وبعضها 

في النهاية بتمنالك التوفيق وانك تحقق حلمك ان شاء الله واتمنى اكون قدمت ليك الإفاده ولو بمعلومة وحده حتى ولا تنسونا في صالح الدعاء