مراجعة اعلان سنة الحياة اورانج وسر نجاحها اعمل السر دا مع عملائك - معلومة سريعة

أهم التدوينات

الثلاثاء، 27 ديسمبر 2022

مراجعة اعلان سنة الحياة اورانج وسر نجاحها اعمل السر دا مع عملائك

مراجعة اعلان سنة الحياة اورانج، فاكرين اعلان لو طالت المسافات (سنة الحياة) اللي orange كانت عملاه في رمضان 2020 أيام فترة كورونا والحجر الصحي اللي كنا فيه وقتها، كان اعلان جذاب وحبناه كلنا بصوت الجاسمي.

اعلان اورانج مراجعة اعلان سنة الحياة وسر نجاح الحملة


مراجعة اعلان سنة الحياة اورانج

الإعلان ده حقق أكتر 82 مليون مشاهدة على يوتيوب بس، غير الشير الكثير على وسائل التواصل الاجتماعي سواء فيسبوك وإنستغرام وتيك توك وغيرها ، الإعلان دا لمس قلوبنا كلنا، لإنه لعب على وتر حساس في وقت كلنا كنا قاعدين فيه في بيوتنا أيام أزمة كورونا والحظر إللي كنا موجودين فيه

الإعلان ده نجح وعمل انتشار ووصل عدد كبير جدا من الناس وكلنا كنا بنشيره و إحنا مبسوطين تفتكر إيه أسرار الحملة الإعلانية دي ونجاحها

إن مفيش فيه أصلا فنانين ولا ممثلين لإن كان فيه ناس عادية، ناس نحسسهم زينا بيعملوا مواقف كلنا كنا بنعملها في وقت الحجر الصحي، زي الأم إللي كانت بتكلم ابنها فيديو كول على الموبايل عشان مش شايفاه، الجد والجدة إللي كانوا بيشوفوا حفيدتهم وهي بتخلع سن من سنانها ومبسوطين في جو كله بهجة وسعادة، الزوجة اللي مفتقدة جوزها ودي حاجة كانت صعبة جدا.

الإعلان كان في بهجة لإن كان في صوت حسين الجاسمي، والصوت ده معروف عند المصريين إنه صوت كله بهجة وسعادة وتفاؤل وكأننا نفسنا نرجع نلم الشمل تاني زي ما كنا قبل كورونا.

وفي آخر الإعلان كله اتبسط لما كله رجع لبعضه، فنتعلم من الحملة دي إن إنت لازم تعمل حملة إعلانية تلعب على العواطف وتلمس قبل المشاهد عشان يبدأ يتفاعل مع الإعلان بتاعك ويبدأ يشاركه مع ناس كتير لحد ما ينتشر ويبقى فيروسي على كل وسائل التواصل الاجتماعي.

قيم الإعلان من وجهة نظرك في التعليقات

ليست هناك تعليقات:

إرسال تعليق

Post Top Ad