إزاي أجيب مشاهدات ومشتركين كتير في الوقت الحالي، هذه الطريقة تعتبر من أسرع الطرق، عايز أقول لك ليه أنا بقول لك في الوقت الحالي أنا قاصدها لإن دلوقتي سواء الفيسبوك أو الإنستجرام أو تيك توك أو حتى يوتيوب في حاجة اسمها على اليوتيوب Short و Reels على الإنستغرام والفيسبوك، المنصات دي بتدعم الخاصية دي بشكل كبير جدا وبشكل مجاني
فبالتالي تزيد مشاهدات ومتابعين حقيقين على الفيسبوك من غير إعلانات ومن غير ما تدفع ولا جنيه اعلانات
أسرع 3 طرق لزيادة المشاهدات في اليوتيوب
تقدر تعمل فيديو بتاعك العادي على اليوتيوب، وبعد كدا بتصور فيديو تاني بشكل عمودي تقول فيه ملخص الفيديو الطويل ويكون أقل من دقيقة وتبدأ تنشره على الفيسبوك وانستجرام ك reels واليوتيوب ك shorts، لإنه ده بيجيب مشاهدات كتير جدا وعن تجربة.
وتقولهم كده في آخر الفيديو، إن التفاصيل بتاع الفيديو ده هتلاقوه في قناتي على اليوتيوب وهتلاقي اللينك في أول تعليق الناس لو استفادت من الفيديو بتاعك الـ shorts أو الـ reels اللي فيه الخلاصة، تأكد إنهم هيدخلو على اليوتيوب عشان يشوفو التفاصيل.
فبالتالي تزيد مشاهدات ومتابعين حقيقين على الفيسبوك من غير إعلانات ومن غير ما تدفع ولا جنيه اعلانات
الطريقة الثانية إنك تاخد اللينك بتاعك بتاع الفيديو على اليوتيوب وتبدأ إنت تنشره على الجروبات الخاصة بمحتوى الفيديو بتاعك على الفيسبوك وعلى صفحات اليوم السابع، المصري اليوم الحاجة اللي تلاقيها لسه نازله دلوقتي، تبدأ تحط اللينك بتاعك ده بيزود من الرانك بتاع القناة بتاعك ممكن يدخل المشاهدين على الفيديو ده، فبالتالي أنت من أول ساعة بتجيب مشاهدات كتير للفيديو بتاعك، فبالتالي يوتيوب هيفكر إن الفيديو ده في حاجه مفيدة فـ هيبدأ إن هو يقترحه للناس لإنه شاف عدد كبير من المشاهدات جاية في أول ساعة من الفيديو بطرق مختلفة من وسائل مختلفة ومن منصات مختلفة كمان فيبدأ إن هو يساعدك إن هو يقترحك على ناس كتيرة جدا.
مشاهدات اليوتيوب الحقيقية
طريقة كمان بس للناس اللي عندهم قنوات متخصصة تعمل جروب على الفيسبوك وعلى التليجرام باسم قناتك وتدعي الناس ليه أو مش لازم باسم قناتك اسمه مفيد كده و اسم جذاب وتضيف الناس ليه وأي فيديو تنزله ع قناة اليوتيوب تشيره في الجروب على الفيسبوك والتليجرام، بعد فترة شهرين أو ثلاثة، هيبدأ يزيد عدد المنضمين للجروبات فتزيد نسبة المشاهدات.
هذه طرق بسيطة من خلالها تقدر تجيب مشاهدات من السوشيال ميديا على الفيديو بطريقة سريعة جدا.
أتمنى التوفيق ليكم لو عندك أي سؤال اكتبوه في التعليقات
ليست هناك تعليقات:
إرسال تعليق