ازاى تجبر التابلت يساعدك في الامتحان| تابلت اولى وتانيه ثانوي

ازاى تجبر التابلت يساعدك في الامتحان، هنتكلم النهاردة عن كيفية جعل تابلت الثانوية مساعد لك في الامتحانات.

• بداية يجب تنظيف التابلت من الفيروسات عن طريق هندخل على جوجل كروم وندخل على التلات نقط اللي على الجنب وبعدين تختار الاعدادات وبعدين تختار الخصوصية والأمان ثم محو البيانات.
• هنختار التصفح الامن ونخليها بلا حماية والفكرة منها انك متدخلش على أي مواقع ضارة بس التابلت الخاص بالمدارس مقفل على المواقع الخاصة بالوزارة عشان كده لازم تخليه بلا حماية عشان ميجبش أي فيروسات.

وبكده نكون خلصنا خطوة تنظيف الجهازونبدء في الخطوة التانيه هي

• تحميل الكتب

أولا يجب عليك تحميل الكتب عشان تساعدك في الامتحان، هيجي دلوقتي سؤال في دماغك ازاى هحمل الكتب؟ اول حاجة هتدخل على موقع وزارة التربية والتعليم لازم تحمل كتب الوزارة معاك.

هتدخل على بوابة التعليم الالكتروني وتدخل على المزيد ومن هنا هتدخل على المرحلة الثانوية الخاصة بك سواء أولي ثانوي أوالصف الثاني الثانوي، والنهاردة هناخد مثال على الصف الأول الثانوي، هتختار الصف الأول الثانوي والفصل الدراسي الأول وبعدين هتختار الكتب الدراسية الالكترونية وبعد ما ظبطنا الاعدادات دي هتظهر كل الكتب الخاصة بمرحلتك وبعدين تختار المادة الناقصة، أو لو لسه محملتش أي كتب هتختار بحث وتختار الكتاب الخاص بك وهتحمل عن طريق الضغط على التحميل وتسمح للتحميل بانه ينزل ويبدأ الكتاب يحمل معاك.

 في مشكلة ممكن تواجه الطلاب قبل ما تدخل تلاقي طالب منك تسجيل في هذه اللحظة اضغط على علامة الاكس وهيتشال من عندك.

طبعا بعد ما حملنا الكتاب احنا عارفين ان الامتحان بيكون open book طيب ازاى هنشغل الامتحان مع الكتاب في اللحظة دي هنشغل خاصية تقسيم الشاشة طيب ازاى هنعمل ده هتيجي علي اليمين هتلاقي تلت نقط هتدوس عليهم هتلاقي الشاشة بتصغر معاك وهتلاقي الشاشة صغرت هتدوس على جوجل كروم هيظهر لك اختيارات اختار منهم العرض في تقسيم الشاشة هتلاقي الامتحان والكتاب بقوا مع بعض.

هنيجي لخطوة الجديدة لو محتاج تضيف لغة جديدة.

1. هتفتح اي خانة للبحث.
2. تختار علامة الإعدادات.
3. هتظهرلك اللغات واختار ادارة لغات الادخال واختار اللغه اللي انت محتاجها وبكده يكون عندك اللغات الخاصة بيك

هنيجي لخطوة جديدة وهي

المعجم

ازاى نستخدم التابلت بتاعنا عشان يساعدنا في ترجمة جملة أو كلمة في الامتحان

اول حاجة هتختار المذاكرة الرقمية عشان نفتح المعجم هتلاقي اكتر من اختبار اختار القواميس والمعاجم هتضغط على كلمة الرئيسية وتبدأ تكتب الكلمة أو الجملة اللي انت محتاج تترجمها وتختار بحث وتبدأ تعرف الكلمة ترجمتها وسط الجملة ايه وتختاره سواء انجليزي أو فرنساوي.

الكلمة مش ببترجم بطريقة مباشرة بتبقي اكتر من حاجة واحنا بنختار اقرب حاجة صح .

وبكده نكون خلصنا موضوع النهاردة وحاولنا نساعدكم في استخدام التابلت في الامتحان حاولوا انكم تخلوا التابلت مخصص للمذاكرة بس. ولو محتاجين اي معلومة في تابلت الثانويه العامة سيبوا سؤالكم وهنجاوب عليكم في أسرع وقت وبالتوفيق والنجاح ليكم جميعا.

موضوع يهمك

اوعي تعمل الحاجات دي في التابلت عشان تعرف تدخل الامتحان